Bookmark Page FAQ   Contact     Sitemap    
 

მოვლენები

სიახლეები პუბლიკაციები კვლევები სიახლეების გამოწერა
 

საჯარო შეხვედრა საავტორო უფლებების შესახებ

2011 წლის 11 ოქტომბერს, ევროპის სახლში, საავტორო უფლებათა დაცვისა და აღსრულების საკითხებისადმი მიძღვნილი საჯარო შეხვედრა გაიმართა. შეხვედრა ორგანიზებული იყო ეკონომიკური პოლიტიკისა და სამართლებრივი საკითხების ქართულ-ევროპული საკონსულტაციო ცენტრის (GEPLAC) მხარდაჭერით, ინტელექტუალური საკუთრების ეროვნული ცენტრის ,,საქპატენტისა” და საქართველოს საავტორო უფლებათა ასოციაციის მიერ.

შეხვედრის მთავარ მიზანს საქართველოში საავტორო უფლებების დაცვასა და აღსრულებასთან დაკავშირებული პრობლემატიკის განხილვა წარმოადგენდა. შეხვედრაზე იმსჯელეს ავტორებს, სახელმწიფო ორგანოებსა და არასამთავრობო ორგანიზაციებს, ასევე სხვა დაინტერესებულ პირებს შორის ურთიერთანამშრომლობის მექანიზმების დანერგვასა და მისი ხელშეწყობის გზებზე. მონაწილეებს საშუალება ჰქონდათ მიეღოთ ინფორმაცია საქართველოში საავტორო უფლებების დაცვის კუთხით მიმდინარე პროცესებზე, დაესვათ კითხვები და მიეღოთ პასუხები მათთვის საინტერესო საკითხებზე.

შეხვედრას ესწრებოდნენ სახელმწიფო და კერძო სექტორის, არასამთავრობო ორგანიზაციებისა და საქართველოში ევროკავშირის დელეგაციის წარმომადგენლები.

 
 
 
 
 
წევრისთვის