მოვლენები

2015 წლის 3 აპრილს, საავტორო უფლებათა ასოციაციის ოფისში, „საქპატენტის“ და ასოციაციის თავმჯდომარეებმა, ნიკოლოზ გოგილიძემ და გიგა კობალაძემ, ინტელექტუალური საკუთრების საერთაშორისო დღესთან, 26 აპრილთან დაკავშირებით ერთობლივი პრესკონფერენცია გამართეს.

პრესკონფერენცია შეეხებოდა 2015 წელს, ინტელექტუალური საკუთრების დაცვის მთავარ გზავნილს „ხმა აიმაღლე მუსიკისთვის!“ პრესკონფერენციაზე გამოცხადდა კონკურსი ამ დღისადმი მიძღვნილი ჰიმნის შექმნაზე. ნიკოლოზ გოგილიძემ და გიგა კობალაძემ ასევე ისაუბრეს 26 აპრილის აღნიშვნის მიზნით დაგეგმილი ღონისძიებების შესახებ.