Bookmark Page FAQ   Contact     Sitemap    
 

მოვლენები

სიახლეები პუბლიკაციები კვლევები სიახლეების გამოწერა
 

Universal-მა საქართველოში პირდაპირი წამომადგენლობა რუსეთის გვერდის ავლით გახსნა.

მსოფლიოს ერთ-ერთმა უმსხვილესმა მუსიკალურმა გამომცემლობამ Universal Music Publishing Group-მა საქართველოში პირდაპირი წამომადგენლობა გახსნა და საავტორო უფლებათა ასოციაციაში (GCA) გაწევრიანდა.

 

საქართველოში Universal-ის პირდაპირი წარმომადგენელი ქართული კომპანია GMI Rights Management-ი (GMI) გახდა, რომელმაც ამის შესახებ პირდაპირი წარმომადგენლობის ხელშეკრულება გააფორმა.

 

პირდაპირი წარმომადგენლობის გახსნა წარმოადგენს პირველ პრეცედენტს საქართველოში და განსაკუთრებულ მნიშვნელობას იძენს რუსეთთან არსებული ურთიერთობების ფონზე როგორც პოლიტიკური, ასევე ეკონომიკური თვალსაზრისით. დღემდე საქართველო დიდი მუსიკალური გამომცემლობების მიერ იფარებოდა მხოლოდ რუსეთის რეგიონული ოფისების მეშვეობით, რაც დიდ უხერხულობას ქმნიდა მოსარგელეებისთვის, რადგან, გარდა იმისა, რომ მათ ჰონორარის გადახდა რუსული კომპანიების სასარგებლოდ უწევდათ, რუსეთის შუამავლობა პროდუქტის მაღალ ფასსაც განაპირობებდა.

 

Universal-ის შემთხვევა პირველი დიდი ნაბიჯია რუსეთის გავლენისგან გათავისუფლების გზაზე და ადასტურებს, რომ საქართველო ამ მხრივ საინტერესო ქვეყანა გახდა, რაც მაგალითის მიმცემი იქნება სხვა დიდი მსოფლიო მოთამაშეებისთვისაც.

 

Universal-ს აქვს 47 წარმომადგენლობა მსოფლიოს 45 ქვეყანაში და მართავს ისეთი არტისტების საავტორო უფლებებს, როგორებიც არიან: Coldplay, U2, ABBA, Adele, Bee Gees, Justin Bieber, Miley Cyrus, Eminem, Selena Gomez, Jimi Hendrix, Elton John, Linkin Park, Maroon 5, Britney Spears, Justin Timberlake და ბევრი სხვა.

 
 
 
 
 
წევრისთვის